Ваш браузер застарілий.
Щоб отримати кращий досвід роботи з нашими дизайнами, завантажте інші браузери безкоштовно. Просто натисніть на значок!
Die gewildheid van huise wat uit skeepsvraghouers gebou word groei taamlik vinnig, en nie net oorsee nie. Hier in Suid-Afrika begin al hoe meer mense besef hoe bekostigbaar dié soort ontwerpe kan wees, asook hoe maklik “houerhuise” kan aanpas by enige klimaat, styl, grootte, ens.
Indien jy nog onder die indruk is dat houerhuise geensins opgestyl kan word nie, is vandag se artikel beslis op jou gemik. Kyk net hoe eenvoudige byvoegings (die nodige kleure, teksture en ander elemente) hierdie ou skeepsvraghouers verander in super moderne ontwerpe…
Ons is mal oor die moderne/minimalistiese styl wat kontrasteer met die rustieke landskap! En kan jy enige tekens van ‘n ou skeepsvraghouer iewers sien?
Danksy die tamaai groot vensters en glasdeure, spoel daardie lieflike uitsig (asook vars lug en sonlig) na binne.
Wat skeepsvraghouer-strukture nog meer indrukwekkend maak is die feit dat hulle nie alleenstaande ontwerpe hoef te wees nie. Hierdie een is aan ‘n bestaande huisie gevoeg om meer spasie (en styl) te verseker.
‘n Oopplan uitleg met glasdeure wat oopmaak op ‘n stoepie, perfek vir ‘n paar stoele waar jy op jou gemak kan sit en jou uitsig kan geniet!
Die stoep/dek aan die ander kant is beslis groter – ideaal vir ‘n eetstel. Of wat sal jy verkies om hier te hê?
Gepraat van stoepe, hierdie een spog met ‘n indrukwekkende afdak wat genoeg koelte versker vir ons warm Suid-Afrikaanse son.
En net indien jy dink dat daar nie genoeg spasie/vertrekke aan die binnekant kan wees nie, voel vry om na die argitekte se planne te kyk.
Volgende op ons lys: 6 stylvolle voorbeelde van skeepsvraghouer huise.
