گھر جیسا کہ ہم ہمیشہ سے کہتے رہتے ہیں کہ آپ کے h کا دیوان خانہ ایک ایسی جگہ ہوتی ہے جدھر آپ اور آپ کے گھر والے مل کر کافی وقت گزارتے ہیں اسی لیے اس جگہ کو اتنا خوبصورت اور آرامدہ ہونا چاہیے کہ ادھر وقت گزار کر سب کو بہت اچھا محسوس ہو۔
ویسے تو ہم آپ لوگوں کو دیوان خانے کی خوبصورتی میں اضافے کے لیے کافی مشورے دیتے رہتے ہیں لیکن آج ہم خاص طور پر ادھر کی دیواروں اور فرش سے متعلق چند مشورے لاۓ ہیں۔ اگر آپ صرف فرش اور دیواروں کو ہی خصوصی توجہ دے دیں تو بھی آپ کا دیوان خانہ بہت خوبصورت لگنے لگے گا۔
دیوان خانے میں اگر آپ تھوڑا ڈرامیٹک انداز لانا چاہبے ہیں لیکن سوبر انداز بھی ہاتھ سے جانے نہیں دینا چاہتے تو نیوٹرل رنگوں جیسا کہ سرمئی، خاکستری، بادامی رنگغوغیرہ کا گہرا شیڈ اپنی دیواروں پر استعمال کریں۔ لیکن اس انداز کے لیے ضروری ہے کہ آپ کا کمرہ تھوڑا کشادہ ہو۔ کیونکہ اگر تو آپ کے پاس جگہ تھوڑی ہے تو یہ گہرے رنگ کمرے کو اور تنگ دیکھائیں گے۔
آج کل کے جدید گھروں میں تو یہ انداز بہت زیادہ پسند کیا جاتا ہے جس میں دیواروں کی جگہ بڑی بڑی کھڑکیاں لگی ہوتی ہیں۔ اس سے آپ کا پورا گھر بہت روشن اور کشادگی بھرا تاثر دینے لگتا ہے۔
دیوان خانے میں منفرد انداز لانے کے لیے آپ کسی ایک دیوار کو چن لیں پھر اس کی اس طرح سے آرائش کریں کے وہ آپ کے سارے پسندیدہ انداز جمع کر لے۔ آپ ادر مختلف پینل لگا سکتے ہیں، کوئی دلکش تصویر یا پھرآرائشی شیشہ بھی بہت اچھا لگے گا۔
اگر آپ کا گھر بھی کھلے منصوبے والا ہے لیکن آپ چاہتے ہیں کہ دیوان خانے اور کھانے کے کمرے کے درمیان تھوڑی آڑ موجود ہو تو اس طرح کی آرائشی دیوار آپ کے لیے بہترین رہے گی۔ یہ دکھنے میں بھی بہت خوبصورت ہے اور اپنا کام بھی بہت اچھی طرح انجام دے رہی ہے۔
ایک اور بہترین انداز یہ ہے کہ دیوار تر بہت زیادہ محنت کرنے کے بجاۓ ایک بڑا شیلف بنوا لیا جاۓ۔ آپ ادھر بہت سی آرائشی اشیاء بھی رکھ سکتے ہیں اور اگر آپ کو کتابوں کا شوق ہے تو پھر آپ ادھر اپنی پسند کی کتابیں رکھ کر ہر آنے جانے والے پر اپنے بہترین ذوق کا رعب بھی ڈال سکتے ہیں۔
اس طرح کی دیواریں پھر سے آرئشی دنیا میں واپس آ گئی ہیں۔ اگر آپ چاہیں تو ان قدرتی انداز کی دیواروں پر اپنی مرضی کا رنگ کروا سکتے ہیں۔ اس طرح آپ کے دیوان خانے کی رنگوں کی تھیم بھی متاثر نہیں ہو گی اور آپ کو یہ منفرد انداز بھی مل جاۓ گا۔
پتھر سے بنی دیواروں کا فیشن تو باذوق لوگوں کے درمیان ہمیشہ ہی موجود رہتا ہے۔ اور آج کل تو مارکیٹ میں اس طرح کی دیواروں کے اتنے انداز موجود ہیں کہ ان میں سے چناؤ کرنا ایک جہت مشکل کام لگنے لگتا ہے۔
اگر آپ کا بغقی کمرہ بالکل سادہ ہے تو آپ اپنے فرش کی وجہ سے بھی پورے کمرے کو بہت خوبصورت بنا سکتے ہیں۔ لکڑی کے فرش کی خوبصورتی سے کون انکار کر سکتا ہے؟ اور اگر لکڑی ہو ہی اتنی چمکدار تب تو کیا ہی بات ہے۔
دیکھیں ادھر بیٹنے کی جگہ کو نمایاں کرنے میں لکڑی کے دو مختلف انداز کا فرش کس قدر خوبصورت لگ رہا ہے۔ آپ بھی اپنے گھر میں یہ انداز بےفکر ہو کر اپنا سکتے ہیں۔
لکڑی ک پینل کے فرش کی وجہ سے یہ جگہ بہت ہی دلکش اور قدرتی تاثر پیش کر رہی ہے۔ اس طرح کے فرش کی سب سے اچھی بات یہ ہے کہ اسے آپ کسی بھی جگہ استعمال کر لیں، یہ اہر جگہ بہت خوبصورت لگے گی۔