ایک غیر دلچسپ چھت کی نئی زندگی کے 7 تصویریں

Hamna – Homify Hamna – Homify
LA TERRAZA DE JOANNA, KELE voy a hacer KELE voy a hacer
Loading admin actions …

آج کے اس دورے میں ہمارے ماہرین نے ایک غیر دلچسپ اور بور سی چھت میں تھوڑی سی تبدیلیاں کر کے نئی جان ڈال دی ہے۔                                                                                                                                                  

چاروں موسموں سے نوازے گۓ ہم پاکستانی لوگ بہت اچھی طرح جانتے ہیں کہ کوئی بیرونی جگہ کتنی اہم ہے جدھر بیٹھ کر موسم کا مزہ لیا جا سکے۔ اگر چھوٹی سی جگہ بھی موجود ہو  تو اسے بھی سنوار کر خوبصورت بنایا جا سکتا ہے ۔              

ادھر ہمارے ماہرین نے بھی بالکل یہی کام کیا ہے اور ہر ہر حصے کو کار آمد اور خوبصورت بنایا ہے۔  امید ہے کہ ان تصاویر کو دیکھ  کر آپ بھی متاثر ہوں گے اور اپنے آنگن یا چھت جو کہ بے کار فرنیخر سے بنی ہوئی ہے اسے بھی سنوارنے کی کوشش  کریں گے۔

پہلے: غیر دلچسپ اور بےزار کن

LA TERRAZA DE JOANNA, KELE voy a hacer KELE voy a hacer

بے شک پہلے اس جگہ پر کھانے کی میز اور دھوپ سیکنے کے لیے کرسی رکھی تھی مگر پھر بھی ایسا لگتا تھا جیسے یہ جگہ ضائع ہو رہی ہے۔ بھورے رنگ کا فرش اور اینٹوں سے بنی دیوار بھی نہایت غیر دلچسپ لگ رہی ہے۔                    

خالی بڑے ہوۓ گملے اس جگہ کے نظر انداز ہونے کی نشاندہی کر رہے ہیں۔

بعد: زندگی سے بھر پور

LA TERRAZA DE JOANNA, KELE voy a hacer KELE voy a hacer

کیا آپ یقین کر سکتے ہیں کہ یہ وہی جگہ ہے؟ ماہرین نے مختلف پودوں اور ٹیکسٹائل کی مدد سے اس پوری جگہ میں رنگ اور زندگی بھر دی ہے۔                                                                                                                                 

سب سے اہم بات یہ ہے کہ یہ سب چیزیں زیادہ مہنگی بھی نہیں ہیں۔ اس جگہ کی دیوار اور فرش کو بالکل نہیں چھیڑا گیا ہے بس ادھر چند چیزوں کا اضافہ کیا گیا ہے۔                                                                                                            

آپ بھی ان تبدیلیوں کو دیکھیں۔

بعد: خوشنما کھانے کی میز اور کرسیاں

LA TERRAZA DE JOANNA, KELE voy a hacer KELE voy a hacer

کھانے کی جگہ کو بھی رنگوں کے اضافے سے خوشنما بنایا گیا ہے۔ رنگین میٹس، تازہ پھولوں کا گلدان اور شوخ رنگ کے  کرسیوں کے کشن۔ دیکھیں تھوڑے سے اضافوں سے یہ جگہ کتنی اچھی لگ رہی ہے۔

ایک چھوٹا سا مشورہ: شیشے کی میز بیرونی جگہوں کے لیے بہترین ہے کیونکہ یہ موسم کی سختیوں کے باوجود بھی پائیدار رہتی ہے۔

بعد: تازہ پودے، درخت اور سیدھا باغ

LA TERRAZA DE JOANNA, KELE voy a hacer KELE voy a hacer

جیسا کہ اس انداز کو دیکھ کر پتا چل رہا ہے کہ پودوں اور پھولوں کے اضافے سے ایک دم جگہ کی خوبصورتی میں اضافہ ہو جاتا ہے۔

اگر آپ کے پاس جگہ کی کمی ہے تو پھر تصویر میں دکھاۓ گۓ دیوار سے جڑے ہوۓ سیدھے باغ آپ کے لیے بہترین ہیں۔ اور یہ دکھنے میں بھی نہایت جدید لگتے ہیں۔

بعد: چھوٹی چھوٹی اشیاء

LA TERRAZA DE JOANNA, KELE voy a hacer KELE voy a hacer

چھوٹی باتوں سے بڑا فرق پڑتا ہے۔ جیسا کہ ہم اس تصویر میں دیکھ سکتے ہیں کہ چھوٹی موم بتی، گلابی ٹرے اور چند خوبصورت گلاس اس جگہ کو ایک دم بہت آرامدہ منظر دے رہے ہیں۔ اپنے ذوق کا اظہار اپنی چھت پر کرنے سے بالکل بھی نہ گھبرائیں۔

بعد: ٹیکسٹائل

LA TERRAZA DE JOANNA, KELE voy a hacer KELE voy a hacer

اس تصویر میں آپ دیکھ سکتے ہیں کہ مختلف انداز کے چھپائی والے کپڑے سے بناۓ گۓ کشن اس جگہ کو کس قدر زندگی سے بھرپور اور گھریلو انداز دے رہے ہیں۔ اس لیے اس طرح کی اشیاء کو صرف گھر کے اندرونی حصے کے لیے مختص نہ رکھیں۔

بعد :روشنیاں

LA TERRAZA DE JOANNA, KELE voy a hacer KELE voy a hacer

آخر میں آپ دیکھیں کہ اس جگہ اندھیرا پھیلنے کے بعد روشنیاں کتنی اہم ہیں۔ بیرونی جگہوں جیسے ٹیرس، چھت یا آنگن میں روشنیوں کے اضافے سے وہ جگہ رات کے وقت دن کے مقابلے میں زیادہ خوبصورت لگتی ہیں۔

اب آپ کو پتا چلا کہ بیرونی جگہوں کو کس طرح سجایا جا سکتا ہے۔

Потрібна допомога з проектом оселi?
Зв'язатися!

Останні статті